BUSARA NEWSLETTER November 2006 Katika toleo hili: English version Tamasha la muziki la Sauti za Busara 2007 Wasanii wanaotazamiwa kushiriki ni Tiketi na Gharama zake Matukio na Shughuli Usafiri na Mahali pa kukaa Wapi litakapokuwa? Kufanya kila liwezekanalo Jiunge kama unaweza Wito kwa wafadhili Tusaidie kueneza ujumbe Zanzibar – Inakuja huko Bi Kidude na Magwiji wa Taarab ziarani Ulaya– Novemba 2006 Maulidi Ya Homu (Mtendeni) kufanya onyesho ndani ya Paris, Ufaransa Tunaonyesha filamu! Routes In Rhythm – Best of The World – Top 20, 2006 Utabiri wa hali ya hewa kwa siku 5 – Zanzibar – Februari 2007 November Competition Wasiliana nasi

 

Tamasha la muziki la Sauti za Busara 2007

top

Tamasha la nne la Sauti za Busara litafanyika hapa Zanzibar, mwezi wa pili tarehe 9 hadi 14 mwaka 2007. kiingilio kikiwa ni bure kwa watu wote watakaoingia ukumbini kabla ya saa 12:30 jioni.

Wasanii wanaotazamiwa kushiriki ni

Pia waweza kuangalia….. (www.busaramusic.com)...

Africa Directions (zm), Amani Drummers of Burundi (bi), Annet Nandujja & The Planets (ug), Ba Cissoko (gn), Bi Kidude (znz), Black Roots (znz), Chibite (tz), Culture Musical Club (znz), Dhow Crossing (znz/no), Ellika & Solo (se/sn), Imena (rw), Jhikoman (tz), Kinobe & Soul Beat Africa (ug), Makadem ‘Ohanglaman’ (ke), Manyani Nani (tz), Matona & G-Clef (znz), Menwar (mu), Nazareth Choir (tz), Netsayi (zw/uk), Olith Ratego (ke), OSB Crew (mu), Qasida Swiffat Nabawiyyatul (znz), Shailja Patel (ke/ca), Shirikisho Sanaa (tz), Tamarind Band (tz), The Collaboration ft Chiwoniso & Busi Ncube (zw), Yunasi (ke), Zemkala (tz)

Tiketi na Gharama zake Kiingilio cha kila siku sasa kitaanza kutumika kuanzia saa 12:30 jioni. Kwa wasio wakazi gharama ziko kwa dola za kimarekani kwa sasa, hii itawasaidia watu kutoka nje ya nchi wanaohitaji kufahamu gharama za tiketi kuwa na ufahamu thabiti wa gharama na viwango vyake kwa kulinganisha na fedha za kigeni.   Wenyeji Wageni Kiingilio baada ya machweo (saa 12:30 jioni) 1000/- (Ukitoka uje utapaswa kulipa tena) US$8 (Tiketi ya siku) Pasi ya siku 4 (pamoja na kiti) 15000/- US$20

Matukio na Shughuli

MAONYESHO

Vikundi 40 kutoka Zanzibar, Tanzania bara, Kenya, Uganda, Rwanda, Burundi, Msumbiji, Mauritius, Zimbabwe, Africa Magharibi na Ulaya.

Gwaride la Tamasha

Kutakuwapo na bendi ya beni, watembea kwa miguu pamoja na sarakasi.

"Busara Xtra"

Eeh bwana! Hatutakuwa peke yetu. Wakiwamo watu wengi hapa mjini, kutakuwapo na maonyesho mbalimbali yatakayoandaliwa na mahoteli, mikahawa na wafanyabiashara wengine, haya yote tunayaita "Busara Xtra" tukiwa na maana ya maonyesho nje ya eneo la tamasha, nia ikiwa ni kuwapa fursa wageni watakaohudhuria tamasha letu kupata nafasi ya kuona matukio mengine yatakayojiri wakati wa tamasha la Sauti za Busara. Tutajitahidi kadiri ya uwezo wetu kuwafahamisha nini kinachoendelea kwenye "Busara Xtra".

MAONYESHO YA FILAMU

Tunazo filamu chache ambazo tunadhani ungependa kuziona, mahsusi ikionyeshwa kwa mara ya kwanza filamu inoyaitwa "As Old As My Tongue" ambayo inaelezea ngano na maisha ya Bi Kidude.

WASWAHILI KUKUTANA KWENYE SEMINA

Wiki moja kabla ya tamasha, wasanii walioalikwa watakutana pamoja katika kile kinachoonekana kama uchanganuzi wa misingi na tofauti walizonazo kimuziki. Michango yao inapokutana na kuingiliana kwa vyovyote kuna kitu kipya kitazaliwa. Kaa tayari kushuhudia matokeo ya semina hiyo wakati wa maonyesho.

SEMINA - SOKO LA MUZIKI AFRIKA MASHARIKI

Semina hii ni ya wazi kwa wasanii kutoka Afrika Mashariki pamoja na wataalamu kutoka katika nyanja ya muziki tu. Iwapo upo katika mojawapo ya nafasi hizo basi wasiliana nasi kwa maelezo zaidi.

Maonyesho ya picha

Kwa kuzingatia nia na matokeo ya maonyesho ya picha ya mwaka 2006 "Pale muziki uliponifikisha" na kwa kutambua kwamba kuna picha nyingi nzuri zinazopigwa mahali fulani, tumewaalika wapiga picha kutoka sehemu mbalimbali duniani kushiriki katika maonyesho ya picha za wasanii wa Zanzaibar nje ya nchi na wasanii wa nje ndani ya Zanzibar.

Mwisho wa tamasha

Katika siku ya mwisho ya tamasha, watu wote tutaondoka katikati ya mji na kuelekea pwani ya kaskazini mwa Zanzibar (Kendwa Rocks) ambako kutafanyika kubwa sherehe za ufungaji wa tamasha (Festival Finale Party). Huko kutakuwa na maonyesho mbalimbali yatakayofanyika katika ufukwe wenye mchanga mweupe wa bahari. Kumbuka kuwa siku hiyo itakuwa ni sikukuu ya wapendanao hivyo usisahau kuja na umpendae tushereheke na kucheza mpaka majogoo.

Usafiri na Mahali pa kukaa

Kwa masuala yote yanayohusu usafiri na mahali pa kukaa ndani ya Zanzibar (pia usafiri wa anga ndani ya bara la Afrika), tunachukua nafasi hii kukushauri kutumia Zanzibar’s Tabasam Tours. Wao watakusaidia kuandaa masuala ya usafiri, malazi na kukuandalia Pasi ya siku 4 . Pia watatoa punguzo la asilimia 5 kwa wote watakaohitaji huduma zao wakati wa tamasha hata kama ni kwa siku moja ya tamasha. Jaribu kuuliza kuhusu "Punguzo la Busara".

Wapi litakapokuwa?

Tamasha la muziki la Sauti za Busara huwakutanisha watu wa rika mbalimbali pamoja katika kusherekea utajiri na utofauti wa muziki wa waswahili. Sifa zake zinazidi kukua kwa haraka sana. Jukwaa kuu la tamasha litajengwa katikati ya migomba, nyuma ya ukuta wa kale na kihistoria ujulikanao kama "Ngome kongwe" ndani ya Mji Mkongwe, mji ambao umeorodheshwa na UNESCO kuwa eneo la urithi wa kimataifa. Wakazi wa Afrika Mashariki wanatazamia kwa shauku na fahari kubwa kila mwezi wa pili wa mwaka, ambapo Zanzibar huandaa" tamasha kubwa la usuhuba duniani"

Kufanya kila liwezekanalo

Waandaji wa tamasha wanayo furaha kutambua ukarimu wa misaada kutoka kwa wafadhili na wadhamini kwa ujumla, kwani bila mchango wao tamasha hili aghalabu lisingaliweza kufanyika. Hatua hii ya maandalizi wakati wote imekuwa ni jinamizi kwetu. Tumepokea baadhi ya ahadi na bado tunahitaji msaada. Zaidi ya yote, tamasha la Sauti za Busara linatiwa nguvu na wafuatao:

Ford Foundation, Swiss Agency for Development & Cooperation, Celtel Tanzania, Holiday Inn, British Council, Ubalozi wa Ufaransa, Art Moves Africa, CulturesFrance,

fROOTS Magazine, Ubalozi wa Ujerumani, Archipelago Café & Restaurant, Mercury's Restaurant, Tabasam Tours, Kendwa Rocks, Ultimate Security, Zanzibar Gallery, Jubilee Insurance, Roger Fenstein, na Zanzibar.NET

 

Jiunge kama unaweza

top

Wito kwa wafadhili

Tamasha hili halitawezekana kufanyika bila msaada mkubwa kutoka kwa wafadhili na wadhamini.

Kwa wafadhili na wadhamini muhimu, tumeandaa kifurushi cha ushirika wa msaada wa fedha kinachojumuisha, video ya matangazo, maazimio ya tamasha, bajeti ya tamasha pamoja na orodha nzuri ya jinsi tutakavyoweka jina lako ili lionekane kama sehemu ya mafanikio ya tamasha. Kama una nia ya dhati kusaidia hili, tafadhali wasiliana nasi.

Tusaidie kueneza ujumbe

Kama unayo nafasi kutangaza tamasha la Sauti za Busara tutafurahi sana kupata msaada wako. Labda unayo orodha ya barua pepe, website, ubao wa matangazo au nafasi ya matangazo ya biashara, maneno machache ya mapendekezo kuhusu tamasha letu ukifungamanisha na website yetu, kwa vyovyote vile tutathamini mchango huo. Kwa kulipa fadhila tutakuunganisha katika kurasa zetu za mahusiano ya kiofisi. Pia tutaweza kukusambazia karatasi kubwa zenye ujumbe wa tamasha la Sauti za Busara, kama jambo hilo halitatugharimu sana.

Zanzibar – Inakuja huko!

top

 

Bi Kidude na Magwiji wa Taarab ziarani Ulaya– Novemba 2006 (photo: Peter Bennett) Mshindi wa tuzo ya WOMEX kwa mwaka 2005, Bi Kidude anarudi tena Ulaya mwezi Novemba akiwa pamoja na muunganiko wa magwiji wa kupiga muziki wa taarabu kutoka Zanzibar.   CD out in November (Buda Musique / Jahazi Media) Malkia huyu wa taarabu na balozi wa muziki wa Zanzibar kimataifa atafanya maonyesho yapatayo saba katika miji mbalimbali maarufu nchini Uholanzi, Ujerumani na Ubeligiji. Angalia ratiba hapo chini kwa ufahamu zaidi juu ya maonyesho yake Ulaya. November 08 KIT: screening "As old as my tongue ...." Amsterdam The Netherlands November 10 Diyalog Festival Berlin Germany November 11 Kleistforum, TransVocale Frankfurt Germany November 15 RASA concert & screening "As old ....." Utrecht The Netherlands November 16 Espace Senghor Bruxelles Belgium November 17 Zuiderpershuis concert & screening "As old ....." Antwerp Belgium November 18 KIT / Royal Tropical Institute Amsterdam The Netherlands

 

(photo: Aubrey Fagon / ScreenStation) Akiwa Ulaya Bi Kidude pia ataongelea kuhusu filamu yake ijayo inayoitwa" As Old as My Tongue" iliyotengenezwa na ScreenStation UK. Filamu hii ni kielelezo halisi cha Bi Kidude, ngao inayoishi na kuna uwezekano kuwa ndiye mchezaji mzee kuliko wote katika dunia muziki wa jukwaani hivi sasa. Bi Kidude hujipatia marafiki wengi kila anaposafiri.lakini nyumbani Zanzibar anaendeleza majadiliano kupata heshima, tabia yake ya kutoa changamoto kwa mtazamo wa nafasi ya wanawake katika jamii ya kiislamu."As Old As My Tongue" inaonyesha mwonekano wa aina yake katika maisha ya mwanamuziki huyu na uhusiano wake na miaka mia moja ya muziki wa Waswahili.

 

Maulidi Ya Homu (Mtendeni) kufanya onyesho ndani ya Paris, January 2007 (photo: Masoud Khamis) Maulidi Ya Homu "Sufi group" kutoka Mtendeni, Zanzibar wamepata nafasi ya kufanya onyesho katika tamasha linalojulikana kama; "Islamic Africa at Cité de al Musique in Paris" litakalofanyika katika mji maarufu wa Paris nchini Ufaransa tarehe 27 January 2007. Angalia zaidi kuhusu habari hii kwenye website kupitia anwani hii: www.cite-musique.fr/anglais/spectacles/_database/S03919.htm

 

Tunaonyesha filamu!

Hapana! si filamu kamili, lakini tunazo filamu fupifupi, picha na maelezo ya tamasha katika tovuti mbalimbali:
Hizi ndizo mpya kabisa ambazo unaweza kuziona:

Tazama kwa dakika 5 tu filamu ya Tamasha la Sauti za Busara 2006
Tazama kwa dakika 7 tu mfano wa filamu ya Bi Kidude As Old As My Tongue (ScreenStation UK)

 

Routes In Rhythm – Best of The World – Top 20, 2006

top

Looking for some music suggestions? Here’s DJ Yusuf's pick of the year:

 

Utabiri wa hali ya hewa kwa siku 5 – Zanzibar – Februari 2007

top

 

 

November Competition

top

 

A fine old Zanzibari chest Hey guess what? Here's a chance to win a striking Sauti za Busara t-shirt and a bunch of other goodies (including a brief video on SzB2006)…  All you have to do is answer the following question: The name of the festival, "Sauti za Busara" roughly translates into English as "Sounds of Wisdom", but from which language? Send us the answer, along with your name before the end of November. Each correct entry will be attached individually to a coconut and placed in an enormous, old, brass-studded, brown-coloured, wooden Zanzibari chest which will be shaken vigorously. The winning entries will be the first five drawn from the chest (assuming the coconuts have not leaked) – and the winners will be informed by email and listed on our website. Ready to enter? Then send us an email with "November Competition" in the subject.

 

Wasiliana nasi

top

 

www.busaramusic.com

Busara Promotions, PO Box 3635, Zanzibar, Tanzania busara@zanlink.com +255 24 223 2423 or +255 777 428 478 Fax: +44 870 132 1190 Find us in Stone Town, between Africa House and Serena Hotel, opposite Amore Mio.

Unfortunately there was a problem in the mail service we were using, and some of our friends were swamped with numerous messages which became intolerable. We apologise for the irritation and annoyance this might have caused and would like to reassure you that we have now changed our mail service – so hopefully it will never happen again. Thank you for bearing with us.