Suzan Kerunen, almaarufu Alur Queen muimbaji na mwandishi wa muziki kutoka Uganda. Muziki wake unahamasishwa na mchanganyiko wa midundo ya ngoma za Njige, Agwara na Ndara, kutoka kijijini kwao kaskazini mwa Uganda, vilevile anaimba kwa lugha yake ya asili Alur-Jonam pamoja na Kiswahili, kingereza na lugha nyingine.

Suzan Kerunen ameshachaguliwa mara mbili kwenye tuzo ya Kora all African music awards. Ameshafanya maonyesho kwenye matamasha mbalimbali ikiwemo Bayimba festival na Safaricom International Jazz festival.

Kerunen ni mwanzilishi wa Pearl Rhythm Festival na Know Your Culture Foundation, zenye lengo la kutafuta, kufundisha na kuelewesha utamaduni wa Uganda, na kuutangaza utalii wa utamaduni kwa maendeleo.